1
Gure aurreko guraso zarrak
aspaldi samar iltzian
guk ainbat biar faltatu gabe
fede santuko itzian,
izar tartetik or daude beida
jendia nola bizian,
negar malkuak dakazkitela
Fueruak ofenditzian,
zer kontatua izango dute
Josafatera biltzian.
2
Kantabriya da ibai eder bat
guziya arraiz betia,
eta geyena jenero fiñak;
bastuak banakak dia
beste erriyo zatar batzuek
artu ziguten partia
fortunatzenda gaistuak ona
bentzutu edo jatia
beragatikan dago asarre
ur onen ama maitia.
3
Nola etxian esposatuta
nagusitzen dan morroya,
alasen dago ibai on ontan
gaistuetako arraya
egiten azi giñadenian
airi ongi etorriya
galdu giñuen bizi lekua
barriyua eta erriya,
euskaldunentzat au izanduzan
egun goguangarriya.
4
Zori gaistoko gerra zibilla
sortu zalako meriyo
lau probentziyak gelditu giran
fetxaz beteta seriyo
egun batian lur jo genduben
ezin giñazke gora iyo,
berriz altxako ote geraden
ere ez naiz oso fiyo,
erdara etzan bakarrik kapaz
euskarak lagundu diyo.
5
Gau eta egun antzika dago
gure Kantabri ederra
alde batea nayo genuke
espanitz emengotarra,
mundu guziyak aditutzendu
euskaldunaren negarra
enpeñatzia ezpada libre
alperrik degu indarra,
au da tzoriyak gari tartian
gosiak egon biarra.
6
Abilan barrena zijualarik
Franziyatikan pasuan
uso eder bat deskuidatu zan
Urbietaren lazuan,
golpe gaistorik etziyon eman
ta artu zuban besuan
maitatu eta festak egiñaz,
oiñ modu kuriosuan;
lau probintziyak kintatik libre
don Juanek eskatu zuban.
7
Lenengo etsayak erromatarrak
bigarren txandan jentillak,
ta gero berriz franzesarekin
izugarrizko batallak
gure aurreko aitona zarrak
asko dira gerran illak;
mundu guziya bildurtzen zuten
Kantabriyako mutillak;
oraingo mauser ainbat baziran
orduko lizar makillak.
8
Baldin egiya esaten badu
libruan dago fediak
isla asko ta onak zituen
len Españiyak beriak
ta geyenetan agintzen zuten
euskarazko aguriak;
orain geyena galdu ditugu
iya egindu guriak,
zeruko Aita zuzen gaitzazu
nola baikeran zuriak.
9
Lengo San Tomas egun batian
zazpiterdiyak aldian
Aitona bati begira egon naiz
Zurriolako parian,
dudarik gabe dabil fueruak
ekarritzeko idean,
oso kontentu apenas dagon
atze erritarren mendian
ezpatarekin erakusten du
Euskal mendiyak nun diran.
10
Garai batian Kantabri on au
erregalotan bizi zan,
ta orain berriz jarri gaituzte
miserablearen gizan
Ez ain eskasak geradelako
gerran edo gudaritzan,
Tubalen kasta nunbait oinpian
ikustia komeni zan,
Urbietaren pausu tristiak
etziran alperrik izan
11
Alegre bizi banitzan ere
nago tristetzen asiya,
Atze errietarrak egin digute
iya naiduten guziya;
juan dan ogei ta amar urtian
ausen da diferentziya,
arrazoi gabe kendu digute
aurreko kredentziya,
gu emen ondo ikustiagatik
guraso zarrak utziya.
12
Lekobide zan euskalduntarra
gerrero izugarriya,
Erromari ta beste askori
artu ziyoten neurriya,
ta Otzobalek egiten ziyon
aldamenetik guardiya;
irugarrena Lartaun gaztia
seme orde ekarriya;
gaur Kantabriyan badago alako
kuadrilla baten premiya.
13
Gure arbola maitagarriyak
Etzuen ori merezi,
Otzobalek eta ayen nastuak
jarri, zaizkiyo nagusi
euskaldun danak lagun zayegun
ez iñor galtzera utzi
Kantabriyako lastima au zerdan
orra nik adierazi;
paper bakoitza amar sentimo
nai ditubenak erosi.
